Tuenti estrea aplicación oficial para Android

Os usuarios da plataforma de redes sociais española Tuenti que conten con terminais de telefonía móbil co sistema operativo Android poden agora mellorar a súa experiencia de uso dende o ser teléfono grazas a que estreouse a aplicación oficial e de balde Tuenti Móvil, plantándolle cara así a competidores coma Facebook (servizo que tamén goza dunha aplicación semellante).
Tuenti Móvil permite actualizar o estado do usuario, subir imaxes almacenadas no móbil (ou realizar capturas en vivo), amosar os cambios máis recentes dos contactos (permitindo o acceso aos seus perfís) e facer uso do chat de Tuenti (detalle que non é posible na aplicación móbil de Facebook) o que agradecerán moitos usuarios que queiran empregar esta ferramenta para interactuar cos seus amigos en tempo real.
Cómpre destacar que esta aplicación está aínda en desenvolvemento, e irase pulindo paulatinamente, aínda que polo momento xa se botan en falta prestacións coas que contaban desaparecidas aplicacións non oficiais coma Tuentify Pro.