Toshiba anuncia un equipo convertible de prezo axustado
martes, 21 de outubro do 2014
Toshiba anunciou
hoxe nos EE.UU. un interesante equipo, o Satellite Radius 11, un ordenador
convertible 2-en-1 de prezo reducido que conta cunha bisagra de 2 eixes que
rotan 360 graos, facilitando que poida empregarse comodamente como un ordenador
portátil ou como unha tableta. Este ordenador con pantalla táctil de 11,6
polgadas cunha resolución de 1.366 x 768 pÃxeles e sistema operativo Windows
8.1 comezará a venderse o vindeiro domingo a un prezo de 329,99 dólares (259,59
euros).
Este equipo terá un peso de menos de 1,36 quilogramos, conta cun deseño sen
ventilador e pode configurarse cun procesador Intel Pentium ou Celeron, até 4
Gb de RAM e tanto 32 Gb de almacenamento flash como un disco duro de 500 Gb.
Inclúe cámara web de alta definición, 1 porto USB 3.0, 1 porto USB 2.0, HDMI e
lector para tarxetas SD.