Televés lanza un modulador que converte sinais analóxicos ou dixitais nunha canle de TDT
mércores, 4 de xuño do 2014
A firma de Santiago
Televés vén de lanzar ao mercado un novo trebello tecnolóxico con
potencial para facilitar o día a día dos consumidores de contidos.
Trátase
de DigiMod, o novo modulador doméstico que converte calquera
sinal analóxico en formato audio/vídeo (A/V), ou un sinal
procedente dunha fonte dixital HDMI nun servizo DVB-T.
“Deste xeito”,
informan fontes da empresa galega, “sinais procedentes de fontes
tan diversas como receptores de satélite, cámaras, circuítos
pechados, vídeos analóxicos, reprodutores de DVD ou Blu-ray,
incorpóranse a todos os televisores da vivenda coma se se tratara
dunha canle máis de TDT (Televisión Dixital Terrestre)”.
O modulador DigiMod
mestura o sinal da antena co sinal A/V ou HDMI nunha única saída
cara á rede de distribución coaxial. Ademais, ao dispor de entrada
USB, a contido TDT pódese descargar como arquivo de vídeo. Permite
configurar múltiples parámetros COFDM e axustar o nivel de saída.
Para facilitar o seu
manexo, o DigiMod dispón dun display LCD e de controis
frontais. Trátase dun dispositivo listo para o seu funcionamento
dende o primeiro intre (só é preciso programar a canle de saída).