Telemadrid HD comezará as súas emisións en febreiro
xoves 4 de febreiro do 2010, por | 
Enviar por e-mail | 
| Compartir
Nun momento no
que a televisión analóxica está cesando as súas emisións en España, moitas
canles españolas están apostando polo cambio de formatos, de xeito que migran
boa parte da súa programación ao formato panorámico, adaptándose aos
televisores modernos, pero algúns van máis aló, e asà temos que Telemadrid
vén de anunciar que vai estrear emisións en alta definición o vindeiro 17 de
febreiro co partido Oporto-Arsenal correspondente aos oitavos de
final da Champions League,
que será o programa que estreará Telemadrid HD.
Outras canles autonómicas pertencentes á FORTA tamén emitirán estes partidos de
fútbol en alta definición, e na actualidade este tipo de emisión están a
funcionar en Cataluña, Valencia, Asturias e Aragón, mentres que en Galicia
deberemos agardar ao lanzamento de TVE HD para poder ver a alta definición en
aberto a través da TDT, posto que non hai previsións para a chegada dunha canle
autonómica deste tipo.
