TEDxGalicia celebrará a súa vindeira edición o 16 de xullo
mércores, 27 de abril do 2016
Tras o éxito da edición
de 2015 do TEDxGalicia na Cidade da Cultura de Galicia, o encontro local TED
está xa a quecer motores, e anuncian que este ano vai encaixar no calendario
uns meses antes do habitual, sendo o 16 de xullo a data elixida para a
celebración desta xornada que volve contar coa implicación do Centro de
Emprendemento de Galcia.
O TEDxGalicia deste ano dividirase en tres bloques de relatorios: un pola mañá,
de 11:00 a 13:30 horas que servirá para introducirse no encontro dun xeito
distendido que estará complementado cunha sesión vermú e outras opcións de
lecer; e logo, de 16:00 a 17:30 e de 18:00 a 20:00 horas no andar -1 do Museo
Gaiás celebrarase a parte máis forma do TEDxGalicia, coas habituais
intervencións de menos de 18 minutos nas que distintos speakers abordarán temas que xiran ao redor da tecnoloxÃa, o
entretemento e o deseño (palabras que forman as iniciais de TED) e que este ano
terán como fÃo argumental o lema De que
está feito o futuro?, co que preténdese explorar as moitas cousas cotiás
que configuran o que imos ser como individuos e como sociedade, chamando á
reflexión sobre o pasado, o presente e o futuro, e a nosa responsabilidade no
deseño do noso mañá.
En breve darán máis detalles sobre este encontro, para o que poranse á venda as
entradas a partires da primeira semana de maio.
Os relatorios da vindeira edición de TEDxGalicia celebraranse no andar -1 do Museo Gaiás