Sae o Opera Mini 5 beta para Android

Mentres o Opera Mobile 10 achégase aos terminais con Android, os interesados en probar navegadores web alternativos poden instalar xa a versión de proba do Opera Mini 5, que resulta un produto igualmente interesante, especialmente porque o proceso das páxinas web non é función do terminal móbil, senón dos servidores de Opera, onde comprimen a información ata un 90% antes de mandala ao móbil, o que tradúcese nunha carga máis rápida (e barata, se non contamos cunha tarifa plana de datos ilimitada).
Mentres que o Opera Mobile 10 podería chegar aos móbiles con Android da man dos operadores que vendan estes terminais, o Opera Mini mantense libre en Android. Como principais diferenzas entre ambas aplicacións estarían que Mobile compórtase coma un navegador de escritorio mentres que as funcións de Mini están reducidas (o que impide o funcionamento de webs complexas), Opera Mini consume menos recursos e funciona en case calquera terminal móbil (mentres que Opera Mobile só contará con versións para Windows Mobile, Android e Symbian).
Como grandes novidades do Opera Mini 5 están a navegación por fichas (ou pestanas), marcación rápida (acceso veloz ás nosas páxinas web favoritas), Opera Link (sincronización de favoritos entre o móbil e o escritorio) e un xestor de descargas.