Redes sociais e participación cidadá, a debate en Socioloxía da UDC
mércores, 6 de maio do 2015
A Facultade de Socioloxía da
Universidade da Coruña organiza a sexta edición do
ciclo de conferencias Sociedade en Movemento, redes sociais, e
participación cidadá, que se desenvolve o vindeiro xoves, 7
de maio. Os relatorios serán impartidos por Raquel Huete Nieves,
doutora e licenciada en Socioloxía pola Universidade de Alacante e
diplomada en Turismo pola Escola Oficial de Turismo de Madrid.
“As súas liñas de investigación”,
informa a UDC, “son a percepción social do turismo, as relacións
entre o turismo e as migracións residenciais, e a aplicación das
técnicas de investigación social ao estudo do turismo”. Raquel
Huete, ademais do devandito, é membro do Instituto Universitario de
Investigacións Turísticas.
O acto terá lugar no salón de graos
da Facultade de Socioloxía, no Campus de Elviña, ás 11.00 horas.
Os organizadores do encontro son Antón Álvarez Sousa e máis María
Andrade Suárez.