Quotidiania Delirante chega ao iPhone

A App Store de Apple vén de incorporar ao seu catálogo o primeiro iMotion Cómic para iPhone e iPod Touch, que non é outro que a primeira entrega de Quotidianía Delirante, un dos comics máis relevantes do autor galego Miguelanxo Prado, que pasa do papel á pantalla dos terminais de Apple, gañando animacións, banda sonora, efectos especiais e capacidade multi-idioma (soportando inglés, español, francés e galego).
Esta primeira entrega da serie de Prado pode descargarse de balde, de xeito que os interesados faranse unha idea do que ofrecerá esta obra a medio camiño entre a banda deseñada e a animación, desenvolvida por Paralaxe Multimedia and Virtual System (spin-off da USC) e os estudos de animación e videoxogos Alia 3D, coa produción de Continental Producciones, compañía que pretende comercializar tamén a plataforma que sostén este produto para editar outros comics neste formato no futuro.

Quotidiania Delirante está dispoñible no iPhone en varios idiomas