Prisacom deixa de empregar o servizo de auditoría da OJD

Prisacom, a empresa que abrangue as cabeceiras dixitais do Grupo Prisa, vén de retirar de xeito provisional as súas cabeceiras da OJD (Oficina de Xustificación da Difusión) por non considerar precisos os seus sistemas de medición para contidos multimedia (streaming de audio e vídeo) “nin para o consumo a través de dispositivos diferentes ó PC (teléfonos móbiles, consolas de videoxogos e televisións)”.
Deste xeito, o grupo de comunicación deixa fora do control da OJD as tres cabeceiras dixitais que este organismo viña auditando, cincodias.com, as.com e cadenaser.com.
Malia isto, Prisacom seguirá empregando outros sistemas de medición como o ofrecido por Nielsen.