Pepephone paraliza a migración a Movistar ante a mala calidade do servizo
luns, 4 de maio do 2015
O pasado mes de febreiro Pepephone comezou a
mudanza de usuarios da rede de Vodafone a Movistar principalmente para
poder ofrecerlles 4G, pero durante a xornada de hoxe sorprenderon anunciando a conxelación
do proceso de migración de xeito preventivo ante a aparición de queixas de
clientes xa migrados que detectaban que a calidade do servizo da que gozaban
con Pepephone non era igual que a dos clientes directos de Movistar, o que
claramente incumpriría os acordos entre ambas compañías.
Dende Pepephone realizaron probas técnicas, confirmando as sospeitas dos seus
clientes, e contactando con Movistar para que dean unha explicación ao
problema, ao que responderon que “existe unha diferencia de configuración e optimización” do que aínda non lles achegaron detalles e
comprometéronse a resolvelo de xeito urxente. Mentres, e para non dar un
servizo deficiente, Pepephone prefire non seguir migrando clientes a Movistar
até que o servizo sexa da calidade prometida, á vez que tamén aseguran que van
indemnizar aos clientes que xa migraran.