PC City podería abandonar o mercado español

A Coruña conta cunha tenda de PC City no Centro Comercial Elviña

O grupo británico Dixons Retail, propietario da cadea de tendas de informática PC City, anunciou que está a estudar a posibilidade de abandonar España ante a debilidade que amosa o noso mercado, o que sorprende tras ver a súa rápida implantación en Galicia, onde ten presenza nas cidades de A Coruña, Vigo e Santiago de Compostela.

Tenda de PC City na rúa do Horreo (Santiago de Compostela)

O comunicado que remitiu á Bolsa de Londres a compañía informa de que «co contorno de consumo en España amosando novos signos de debilidade, o grupo iniciou un período de análise para estudar todas as opcións posibles, que inclúe unha potencial saída das operacións nos establecementos», pese a que a evolución das tendas españolas fora satisfactoria, pois o seu negocio é «actualmente deficitario debido en parte á crise económica», e o peche de PC City en España suporía un aforro ao seu grupo duns 5 millóns de libras esterlinas (5,7 millóns de euros).
Actualmente PC City conta con 34 establecementos en España e 1.300 traballadores, aínda que nos últimos meses tivo que enfrontarse non só a un ciclo económico negativo, senón tamén a un importante incremento da competencia.