Os usuarios de PS3 poderán probar en primicia o xogo Dragon Ball Xenoverse
mércores, 17 de setembro do 2014
Bandai Namco está a preparar o xogo Dragon Ball Xenoverse
para Xbox 360, Xbox One, PlayStation 3 e PlayStation 4, que supón o salto das
aventuras de Son Goku á nova xeración de consolas de videoxogos, pero os que
conten cunha consola PlayStation 3 conectada á Rede non terán que agardar moito
para poder experimentar o que achegará este tÃtulo, xa que poden inscribirse
na proba de rede do xogo prevista para o 4 de outubro.
A proba de rede de Dragon Ball Xenoverse
permitirá que os seareiros dos xogos de loita da franquÃa de Akira Toriyama
poidan axudar a desenvolver o xogo a través dun proceso no que se comprobará a
carga dos servidores e poderá gozarse dunha versión previa da que queren deixar
claro que non se trata dunha versión beta, senón dun xeito de proba das
infraestruturas técnicas para que cando o xogo estea dispoñible o seu
funcionamento en rede sexa óptimo.
Esta proba permitirá ver por primeira vez Toki Toki City, o núcleo onde se
atoparán xogadores de todo o mundo para loitar, podendo elixir diferentes razas
como superguerreiros e namekianos. Mentres ese momento non chega, podemos
confirmarnos cun dos trailers do xogo: