O novo Dance Central chegará en setembro
martes, 22 de xullo do 2014
Os usuarios de Xbox One que queiran darlle un maior uso ao
sensor Kinect estarán contentos ao ver que Harmonix confirma que a partir do 2
de setembro será posible adquirir Dance
Central Spotlight, xogo de baile que recupera a saga de Dance Central nacida na Xbox 360, pero
optando por venderse exclusivamente como descarga dixital a un prezo de 9,99
dólares xunto con 10 cancións básicas que poderán ampliarse mediante contidos
descargables de pagamento. Entre os temas incluÃdos están cancións como Royals de Lorde, Counting Stars de OneRepublic, Diamonds
de Rihanna ou Happy de Pharrell
Williams, ás que poderán engadirse máis de 50 temas adicionais dende a tenda
integrada no xogo e incluso os temas incluÃdos en anteriores entregas de Dance Central (que poderán recuperarse
sen cargo adicional).
Entre os temas descargables confirmados están Love Shack de B-52’s, Safe
and Sound de Capital Cities, Next To
Me de Emeli Sandé, I Love It de
Icona Pop e Summertime Sadness de
Lana Del Rey.
Esta nova entrega de Dance Central, o
facer uso do novo sensor Kinect, poderá analizar con precisións os movementos
do xogador para ver se se axustan ás rutinas de baile, podendo aproveitarse
tamén o xogo para convertelo nunha ferramenta para a práctica de exercicios
aeróbicos a través do Modo Fitness.