O lector de libros electrónicos máis popular nos EE.UU. é o iPhone

Mentres os fabricantes de lectores de libros electrónicos presentan novos dispositivos a revista Forbes publicou que nos EE.UU. o lector de libros electrónicos máis empregado é o iPhone, partindo do suposto de que a aplicación de balde para o móbil de Apple Stanza ten máis de 395.000 usuarios, superando aos 380.000 lectores Kindle que Amazon agarda vender antes de finalizar o ano.
Nun principio Stanza permite a descarga de libros de dominio público para a súa lectura no iPhone e, aínda que existen outra aplicacións para ler textos no iPhone, é un bo indicativo do atractivo que está a ter a pantalla do terminal para a lectura, pese ao seu reducido tamaño.
Os volumes de usuarios das dúas plataformas dan a entender que a lectura dende dispositivos electrónicos cada vez é máis frecuente, aínda que falte moito para que perigue o papel coma soporte, a evolución parece ir a moi bo ritmo (as vendas do Amazon Kindle son moi elevadas), faltando que este tipo de hábito de consumo se faga máis habitual agora en Europa, onde os lectores electrónicos con conectividade sen fíos aínda parecen algo moi distante.