O curso de Scratch do CPETIG esperta o interese do profesorado galego cunha demanda superior ás prazas dispoñibles
venres, 25 de abril do 2014
O curso
de Scratch, organizado polo Colexio Profesional de EnxeñarÃa Técnica en
Informática de Galicia (CPETIG), espertou o interese do profesorado non
universitario de toda Galicia ao superar a demanda as 35 prazas dispoñibles.
Esta actividade formativa, que se celebrará mañá e o próximo venres no Centro
Demostrador TIC (CDTIC), en Santiago de Compostela, entre as 16.00 e
20.00 horas, conta coa colaboración da AMTEGA e a ConsellerÃa de Cultura,
Educación e Ordenación Universitaria.
O curso está dirixido a profesores non universitarios, especialmente de
TecnoloxÃa e de Informática, para formalos no desenvolvemento de aplicacións
informáticas coa ferramenta de Scratch, ferramenta informática que permite
aos usuarios programar historias interactivas, xogos e animacións, e
compartilas en liña con outros membros da comunidade, coa que despois se
ensinará aos escolares os fundamentos da programación informática.
Esta iniciativa enmárcase nas actividades previstas no
convenio de colaboración entre o CPETIG e a AMTEGA, asinado o pasado 2 de
abril, e conta coa participación dos profesores Jesús Moreno León e José Ignacio
Huertas Fernández, que contan con máis de 10 anos de experiencia.
Jesús Moreno é enxeñeiro técnico en Informática e mestrado
en enxeñarÃa de sistemas telemáticos, con máis de 10 anos de experiencia
docente como profesor de informática en secundaria e formación profesional.
Actualmente traballa no Instituto Nacional de TecnoloxÃas Educativas e
Formación do Profesorado.
José Ignacio Huertas Fernández é enxeñeiro técnico en
Informática e mestrado en enxeñarÃa de sistemas telemáticos. Conta con 10 anos
de experiencia docente como profesor de informática en secundaria e formación
profesional. Actualmente traballa no IES PolÃgono Sur de Sevilla.
O CPETIG, mediante estas actividades formativas, quere
contribuÃr ao fomento e promoción de da sociedade da información e das
tecnoloxÃas da información nos ámbitos da comunidade educativa, sobre todo,
entre os máis novos.