O Skype 5.0 permite videoconferencia a 10

Aínda que nos últimos meses o Skype centrase os seus esforzos en avanzar en plataformas móbiles, a súa aplicación de escritorio para Windows continúa a innovar, e a versión de proba do Skype 5.0 incrementa o seu número de comunicacións simultáneas de 5 a 10, abríndose así a unhas videoconferencias masivas, o que agradecerán grupos de amigos ou familias que queiran manter o contacto pese a estar afastados xeograficamente.
Aparte deste detalle, o Skype 5.0 tamén mellora a estabilidade e calidade das súas conexións, á vez que tamén estrea unha nova interface de usuario. De todos os xeitos, hai que lembrar que estamos aínda ante unha beta, polo que a aplicación aínda precisa de certa depuración para uso ordinario, polo que só recoméndase a súa utilización a xeito de proba.