O HTC Touch Pro inclúe teclado QWERTY deslizante

Versión de T-Mobile do HTC Touch Pro

T-Mobile anunciou o seu móbil MDA Vario IV que venderá a finais do verán, e que resulta ser o HTC Touch Pro adaptado á súa marca, o que parece que será un terminal de grande atractivo para aplicacións de produtividade móbil.
O HT Touch Pro incorpora un teclado deslizante QWERTY, acelerómetro, pantalla táctil de 2,8 polgadas con resolución VGA (640 x 480 píxeles), 256 Mb de RAM, 4 Gb de almacenamento, GPS, conectividade Wi-Fi e HSDPA de ata 7,2 Mbps, unhas medidas de 103 x 52 x 18 milímetros e un peso de 158 gramos.
O novo móbil está preparado para funcionar con Windows Mobile 7, e aínda non se teñen detalles do seu lanzamento a nivel mundial, pero é de agardar que chegue nas mesmas condicións que Alemaña (ou sexa, a finais do verán).