O CPEIG rexeita o abuso da expresión "erro informático"
mércores, 13 de febreiro do 2013
- A edición local de Compostela de La Voz de Galicia publicou unha das novas nas que se falou desacertadamente dun "erro informático"
O
Colexio Profesional de Enxeñeiros en Informática de Galicia (CPEIG), na súa
liña para pór en valor a profesionalidade dos seus integrantes, reitera o seu rexeitamento do uso
da expresión “erro informático” por
parte das autoridades políticas e dos medios de comunicación, á vez que
manifesta a necesidade de xerar e manter confianza nos sistemas informáticos
sempre que estean desenvolvidos e xestionados de xeito correcto.
A denuncia do CPEIG chega nun momento no que varias cabeceiras de Prensa
Ibérica publican unha nova
titulada Un error informático deja sin
beca a decenas de universitarios con derecho a percibirla, no que falan
de “erro infomático” como vía de
escape para que o Ministerio de Educación non asuma a responsabilidade que lle
corresponde; mentres que La Voz de Galicia tamén recolleu na súa edición de
Santiago unhas declaracións dunha concelleira que xustificaba
o impagamento das pagas extras aos bombeiros da cidade por mor dun “erro informatico”.
En vista desas informacións, dende o CPEIG solicitan aos medios e responsables
políticos que non desvirtúen o significado do concepto informático á hora de
cualificar un erro que normalmente é humano.
- Unha das novas denunciadas polo CPEIG publicouse no Faro de Vigo e en La Opinión