O CITIC salienta o número e o potencial dos seus proxectos impulsados en 2014
luns, 19 de xaneiro do 2015
O
Centro de Investigación en Tecnoloxías da Información e a
Comunicación (CITIC) fixo reconto da intensa actividade desenvolvida
no seu seo ao longo do ano que vimos de deixar atrás, unha
actividade que se traduciu nunha manchea de proxectos dirixidos, en
parte, a garantir o avance e a excelencia na investigación e a
innovación aplicada ás TIC. Ademais, buscouse a través desta longa
serie de iniciativas “fomentar a transparencia de coñecemento e
resultados á sociedade”. En definitiva, segundo informa o CITIC, o
2014 foi sen dúbida un ano “de grandes logros”.
O
centro tecnolóxico galego salienta, entre outras, as seguintes
iniciativas desenvolvidas ou en desenvolvemento:
·
ToVIAS. Análise e
visualización de nubes de puntos, unha ferramenta multiplataforma
para a visualización de nubes de puntos que permita a xestión e
manipulación de grandes volumes de datos, obtidos a partir dun
escáner Lidar
ou Kinect.
·
VGLiDAR. Visualizador de
datos LiDAR, que permite determinar a distancia desde un emisor láser
a un obxecto ou superficie utilizando pulsos láser e crear unha
representación tridimensional do terreo.
·
Beholder. Visión Artificial
aplicada ao comportamento de obxectos e persoas: unha ferramenta que
aplica as técnicas de visión artificial para o estudo do
comportamento de obxectos e seres
humanos a través da análise
dinámica de trazados.
·
LocYu. Localización en
interiores. Tirando partido
de tecnoloxías de curto
alcance, o CITIC desenvolveu dous sistemas: LocYu Rutas (para
desprazarse polo interior de edificios)
e LocYu Infraestruturas
(orientado
á detección de persoas e obxectos en interiores).
·
SmartSocket. Enchufe
intelixente que evita incendios e electrocucións,
controlábel a distancia e
con capacidade para
monitorizar
constantemente o consumo dos aparellos eléctricos conectados a el.
·
Syntheractive. Vídeo Sintético Interactivo, un proxecto que
deseña e constrúe un prototipo dun sistema distribuído capaz de
xerar vídeo sintético e codificalo en tempo real.
· VADEMA. Sistema de
Visión Artificial para a Medición de Deformacións en Materiais. O
método empregado utiliza técnicas avanzadas de procesado para obter
información a partir das imaxes de ensaios de resistencia.
· DIASI. Detección
Intelixente de Anomalías en Sistemas Industriais. Unha liña de
investigación que amosa como se poden empregar técnicas baseadas en
Intelixencia Artificial para a análise automática dos datos
proporcionados por un sistema de seguimento, en tempo real, instalado
nos sistemas críticos de calquera instalación industrial.
·FilmYou, When
Recommenders Met Big Data, un motor de recomendación baseado nun
sofisticado algoritmo de filtrado colaborativo que é quen de xerar
recomendacións personalizadas.
· MiaSoft,
Monitorización Intelixente de Apneas / Hipopneas, un software
integrado para o seguimento intelixente da Síndrome de
Apneas/Hipopneas do Sono que analiza os sinais rexistrados en
pacientes sometidos a polisomnografía nocturna.
·
MODES, Modelado,
Optimización e Inferencia Estatística. A área Tecnolóxica de
Estatística e Investigación Operativa do CITIC traballa para
prestar servizos de estatística ao tecido socioeconómico coa
aplicación de métodos estatísticos na resolución de problemas de
diversa índole.
Como
lembraremos, o Centro de
Investigación en Tecnoloxías da Información e das Comunicacións
(CITIC)
é un centro tecnolóxico
impulsado pola Universidade de Coruña e emprazado no Campus de
Elviña que centra unha boa parte do seu traballo en xerar puntos de
encontro entre a UDC e as empresas da contorna. Arestora, no CITIC
desenvolven o seu labor máis
de 100
investigadores dos sectores público e privado
nunhas instalacións formadas por dous
edificios modulares e intelixentes dende
os que se impulsan importantes tarefas de transferencia tecnolóxica
amais de pioneiros proxectos de innovación en materia TIC.