O CITIC organiza unha conferencia sobre enfoques áxiles na xestión de proxectos
xoves, 1 de setembro do 2011
- Mario López de Ávila nunha conferencia sobre Agile Innovation
O Centro
de Investigación en Tecnoloxías da información e as Comunicacións (CITIC)
organiza, en colaboración coa Facultade de Informática da Universidade da
Coruña, a Conferencia aberta Risk
Management in Agile Projects: Un enfoque adaptativo da xestión de riscos en
proxectos e organizacións que será impartido por Mario López de Ávila Muñoz o vindeiro
22 de setembro nas dependencias da Facultade de Informática en horario de 09:30
a 13:30 horas.
A conferencia enmárcase dentro do Plan de Formación continua que está a
desenvolver o CITC co fin de promover un dos seus eixes fundamentais de
actuación, a transferencia de coñecemento aos sectores público e empresarial.
Como parte desta transferencia e co fin de alcanzar maior transmisión do
coñecemento expoñeranse a todos os asistentes, ademais da temática propia do
evento, os coñecementos adquiridos na formación previa a esta xornada, Introdución ao Mundo Agile en Xestión de
Proxectos, dos días 20 e 21 de setembro, e onde participasen os axentes
máis representativos do tecido empresarial galego.
O obxectivo deste evento é introducir os asistentes nun marco xeral de xestión
de riscos en proxectos Agile, así como algunhas das técnicas máis eficaces para
manexar os riscos nun contexto áxil. Xunto con técnicas específicas do Risk
Management preséntanse outras procedentes do Pensamento Lateral, a Toma de
Decisións ou a Teoría das Limitacións.
O CITIC dirixe esta Conferencia a profesionais do Sector TIC, investigadores,
estudantes, e profesionais familiarizados coa problemática dos proxectos TIC e
que queiran coñecer os novos enfoques áxiles aplicados á Xestión de Proxectos.
Para asistir a esta xornada os interesados deberán inscribirse vía correo electrónico
antes do 20 de setembro incluíndo o nome e cargo dos asistentes, empresa ou
institución á que representan, correo electrónico e teléfono de contacto.