O CESGA celebra o 24 de abril unha nova edición do Día das Rapazas nas TIC
luns, 14 de abril do 2014
O Centro de
Supercomputación de Galicia (CESGA) acolle o vindeiro 24 de abril
unha nova conmemoración do Día
Internacional das Rapazas nas TIC (Girls in ICT Day), un
acontecemento que o CESGA tamén festexou o ano pasado, e fíxoo
cunha actividade divulgativa na que concorreron representantes
femininas do noso emprendemento TIC de vangarda, amosando a súa
experiencia e animando ás estudantes a pór en marcha novas
iniciativas. O festexo vén da man da International
Telecommunications Union (ITU), que procura unha contorna global
que apoie as rapazas para que estas teñan en conta as carreiras do
eido das Tecnoloxías da Información e a Comunicación.
Pola súa parte, o
CESGA promove e coordina o Proxecto Europeo ICT-GO-Girls!,
Promoción do emprendemento das rapazas de secundaria a través
das TI, que se dirixe ás mozas de entre 12 e 14 anos
de idade para proporcionarlles unha imaxe máis atractiva do mundo do
emprendemento tecnolóxico e acadar deste xeito unha maior presenza
feminina no eido das novas tecnoloxías da información. A xornada
que vai celebrar o CESGA o día 24 intégrase neste proxecto. Por
certo que o evento tamén participará o Colexio Profesional de
Enxeñaría en Informática de Galicia, CPEIG.
O acto previsto,
informa o colexio, “vai dirixido a dar visibilidade ao colectivo de
mulleres emprendedoras no eido das TIC e constitúe un espazo de
intercambio e comunicación entre elas e as rapazas e rapaces dos
institutos de Secundaria de Galicia”.
Programa provisional
Preside: Susana López Abella, Secretaria Xeral de Igualdade
10:00 Benvida: Director do Centro de Supercomputación de Galicia
10:05 As rapazas, emprendemento e as TIC. (Consellería Educación, pendente confirmar persoa)
10:10 O papel da muller na modernización tecnolóxica de Galicia. (Mar Pereira, Directora da AMTEGA)
10:15 O proxecto ICT-Go-Girls! Experiencia tras un ano de proxecto. (María José R. Malmierca, CESGA)
10:20: Mensaxes en vídeo de mulleres relevantes do ámbito español no mundo das TIC, altas executivas de Fujitsu, Siemens, IBM e HP.
10:25-10:55 Visión e experiencia de catro mulleres galegas emprendedoras nas TIC:
- Alba Souto, co-fundadora de Bampifu.
- Ángeles Pariente, xerente de A2, Laboratorio de Ideas.
- Cristina Gamallo, socia fundadora Situm.
- Susana Ladra, vicedecana de Organización Académica, Fac. Informática da UDC e investigadora. Premio Ada Byron do CPEIG 2013.
11:00 Preguntas e comentarios por parte do alumnado dos centros de secundaria participantes, conectados por videoconferencia.
- CPI O Cruce, Cerceda
- IES Rosalía de Castro, Santiago de Compostela
- IES Ribeira do Louro, O Porriño
- IES A Sardiñeira, A Coruña
- Tesdai (FP), Santiago de Compostela
- Colexio Montespiño, A Coruña
- IES Pedro Floriani, Redondela
- IES Nº1 de Ribeira, Ribeira
- IES Poeta Díaz Castro, Guitiriz
- CPI Vicente Otero Valcárcel, Carral
- IES Republica Oriental de Uruguai, Vigo
- IES San Clemente, Santiago de Compostela
- CPI Viano Pequeno de Trazo, Viaño Pequeno (A Coruña)
11:30. Peche do acto. Secretaria Xeral de Igualdade.