Nokia Refocus xa está dispoñible para os móbiles con PureView

Hai un par de anos chegaron ao mercado as cámaras Lytro, que querían revolucionar a fotografía dixital ao facilitar o enfoque de imaxes a posteriori, funcionalidade da que agora poden gozar os móbiles da familia Lumia que conten con cámara PureView e teñan o seu sistema operativo actualizado grazas á nova aplicación Nokia Refocus, que permite disparar fotografías para realizar o enfoque máis tarde, o que resulta ideal para tomar primeiros planos de obxectivos para logo poder amosar a profundidade co enfoque.
Amais, esta aplicación tamén conta cun efecto que facilita a xeración de imaxes nas que aparece todo enfocado e tamén facilita resaltar unha cor determinada, dando lugar a fermosas imaxes que poden facerse directamente co móbil sen axuda de aplicacións de escritorio. As imaxes capturadas poden compartirse a través da Internet, permitindo incluso a aplicación do enfoque vía web como xa acontecía coas cámaras Lytro, o que agradecerán moitos usuarios que queiran presumir desta tecnoloxía tan rechamante.

Exemplo de imaxe tomada con Nokia Refocus