NEThinking devolve o debate á Illa de San Simón a semana que vén

xoves, 21 de maio do 2015 Marcus Fernández

A semana que vén, e por quinto ano consecutivo, a Illa de San Simón converterase na Illa do Pensamento para a celebración de NEThinking, un encontro entre expertos comunicadores, blogueiros e artistas de recoñecida influencia para debater e transmitir coñecemento sobre o contorno dixital, os medios de comunicación, as redes sociais e os modelos de negocio dos contidos na Internet.
A nova edición de NEThinking celebrarase os días 29 e 30 do presente mes, e como vén sendo habitual, non poderá seguirse presencialmente, senón que haberá que recorrer ao seu sinal de streaming e a plataformas como Twitter, de xeito que a conversa ao redor do evento trasládase á Rede, o que resulta bastante natural para un encontro tan centrado na Internet.
As xornadas de NEThinking organizaranse mediante o seguinte programa:

VENRES, 29 DE MAIO

17:00 – 18:30 – Quen somos? De onde vimos? A onde imos?
Discusión sobre o mundo dixital moderada por Ismael El-Qudsi que contará coa participación de Julián Hernández e Juan Carlos Fernández Fasero.
19:00 – 20:30 – Escravos das tecnoloxías?
A dependencia das tecnoloxías a debate baixo a batuta de Antonio Delgado e coa participación de Eduardo Arcos e Joaquín Rodríguez.

SÁBADO, 30 DE MAIO

10:00 – 11:30 – Para que usamos as redes sociais?
Conversa moderada por Raquel Martos que contará coa participación de Kurioso e José A.Pérez (mimesacojea)
12:00 – 13:30 – Escribir na Internet: usabilidade e linguaxe clara
Discusión sobre os códigos de comunicación que empregamos na Rede, moderada por Mario Tascón e con intervencións de Estrella Montolío e Joaquín Müller.
17:00 – 18:30 Os límites do humor
Manuel de Lorenzo modera un debate con Róber Bodegas e Hematocrítico sobre o humor na Internet.
19:00 – 20:30 – Redes: Información e propaganda
Debate moderado por Antón Losada, no que Mario Tascón e Raquel Martos analizaran a comunicación na Rede.

O evento pechará con Kurioso dando lectura ás conclusións desta quinta edición de NEThinking.

Participantes da pasada edición de NEThinking, que repetirán na súa meirande parte este ano

PUBLICIDADE