Movistar incrementará os datos das súas tarifas Vive
venres, 23 de xaneiro do 2015
Movistar, operadora de
telecomunicacións de Telefónica, anunciou
que vai introducir variacións no seu catálogo de tarifas móbiles
da liña Vive. Máis polo miúdo, as novas tarifas atinxen ás
modalidades Vive 11, 22, 30 e 43, e consisten basicamente nun
incremento das súas franquías de datos (incremento no ancho de
banda en descarga “para adaptarse ao consumo dos clientes”). Este
novo feixe de tarifas móbiles compatíbeis con 4G lanzarase no mes
de febreiro. Amais da devandita novidade, incrementaranse un algo os
custos de establecemento por chamada, que pasarán de 18 a 20 euros.
Logo dos cambios
imprimidos pola operadora (cambios que tamén afectan ao propio nome
das distintas modalidades, que avanzan na escala de números como
poderemos ver máis abaixo), as tarifas Vive ficarían do seguinte
xeito:
· Vive 12 (12 euros ao
mes): 0 cént/min + 20 cént (establecemento) + 1 GB + 18 cént/SMS.
· Vive 25 (25 euros ao
mes): 200 minutos + 1,5 GB + 18 cént/SMS.
· Vive 33 (33 euros ao
mes): minutos ilimitados + 2,5 GB + Nubico + SMS ilimitados.
· Vive 45 (45 euros ao
mes): minutos ilimitados + 5 GB + Nubico + SMS ilimitados + multi
SIM.
As variacións, como se
pode ver, atinxen a todas as tarifas. A máis económica é Vive 12 e
inclúe unha ampliación en materia de datos dos 800 MB aos 1 GB,
incrementándose a cota mensual en un euro. A tarifa Vive 22
transfórmase en 25, agora con 500 MB máis para navegar por 3 euros
máis ao mes, a tarifa Vive 30 devén en 33, agora con 500 MB máis
para navegar e Nubico incluído por 3 euros máis ao mes, a tarifa
Vive 43 transfórmase en 45, agora con 1 GB máis para navegar e
Nubico incluído por 2 euros máis ao mes.