Microsoft anuncia os títulos de xullo dentro do programa Games with Gold

Microsoft está a anunciar a relación de xogos que ofrecerá sen custo adicional aos subscritores de pagamento de Xbox LIVE durante o mes de xullo, e un ano máis confírmase que pasadas as grandes datas (o Nadal e o E3) este programa perde folgos e ofrece xogos independentes ou de fondo de catálogo en vez de grandes títulos como no presente mes.
En xullo os usuarios de Xbox One terán dispoñible o xogo The Banner Saga 2, un xogo de rol táctil dun estudio independente; na liña indie tamén estaría o xogo que chegará a partires do 16 de xullo, Tumblestone, xogo de quebracabezas que chegará á consola de Microsoft directamente a través deste programa.
Os xogos que resultan máis interesantes en xullo son os que recibirán os usuarios de Xbox 360 (e os de Xbox One grazas á retrocompatibilidade), que no primeiro trimestre terán Tom Clancy’s Rainbow Six Vegas 2 (shooter en primeira persoa no que hai que salvar a Las Vegas dun ataque terrorista a grande escala) e durante a segunda metade do mes recibirán Tron: Evolution (xogo ambientado no universo cinematográfico de Tron que apreciarán principalmente os seareiros de tal franquía).