Marchex Inc. pon parte dos seus dominios á venda

Marchex Inc. empresa que gastou 164 millóns de dólares na compra de máis de 100.000 dominios ao lendario domainer Yun Ye no ano 2004 acaba de pór á venda parte do seu cartafol. Na listaxe dos dominios á venda figuran:
 3g.com por 1 millón de dólares
 angry.com por 500 mil dólares
 invitation.com por 1 millón de dólares
 Beijing.com mediante ofertas
 lasers.com por 250 mil dólares
 livechat.com por 500 mil dólares
 livedate.com por 250 mil dólares
 matrimony.com por 2 millóns de dólares
 moneyclip.com por 500 mil dólares
 smashhhit.com por 250 mil dólares
Os ingresos da empresa caeron no segundo trimestre deste ano un 44% con respecto ao ano pasado, de 37,4 millóns de dólares a 21,1 millóns de dólares sen caer en perdas.
Ben sexa para axustar os beneficios anuais da empresa ou para comprobar o estado do mercado dos dominios esta é una boa noticia para os investidores xa que claramente vese que os dominios premium manteñen os seus prezos. De todos os xeitos o prezo destes dominios son altos xa que, por exemplo, 3g.com identifica unha tecnoloxía que nestes momentos funciona pero que é perecedoira xa que levamos tempo con 3.5G e estamos case no 4G/WIBRO/WIMAX…
O prezo do dominio matrimony.com por 2 millóns de dólares tamén é excesivo, tan só 7, 32 millóns de resultados en Google. Coma modelo de negocio podería tirar cara ás vodas onde se moven moitos cartos pero aínda así recuperar o investimento de dous millóns de dólares é cousa difícil.