MSI Air Keyboard, o mando sen fíos con sensor de movemento

Os usuarios de centros multimedia de salón teñen unha nova opción para o seu control remoto, o MSI Air Keyboard, un teclado de 80 teclas, sen fíos, cunhas medidas de 142 x 88 x 32,9 milímetros e un peso de 200 gramos que pode manexarse de xeito doado cos polgares e que destaca por poder operar tamén coma rato facendo uso dun sensor de movemento integrado, de xeito que o punteiro en pantalla podería manexarse dun xeito semellante ao mando dunha Wii.
O teclado tamén conta con botóns de atallo para acceder a programas de uso común e funcións multimedia. Funciona para Windows 98/XP/Vista/7 e Mac OS X, aliméntase de 2 pilas AA que garántenlle un uso continuo de máis de 50 horas e o seu prezo de venda baixo a marca Cideko será de 79 euros.