LG presenta un móbil con pantalla de 4,8 polgadas

No marco do CES de Las Vegas, LG presentou o que aseguran que é o móbil coa pantalla máis grande do mundo, posto que o LG GW990 conta cunha pantalla de 4,8 polgadas cunha resolución de 1.024 x 480 píxeles, o que provoca que teña un volume pouco habitual para un móbil, parecendo máis un MID.
O dispositivo funciona cun procesador Intel Moorestown de 45 nm, 512 Mb de RAM e 16 Gb de capacidade interna (ampliable mediante microSD), cámara de 5 Mpíxeles con gravación de vídeo HD, HSDPA, A-GPS, batería de 1.850 mAh e o sistema operativo libre Moblin coa interface S-Class.
Aínda non precisaron nin a data de lanzamento nin o prezo deste completo terminal.