Krasis regala hoxe mil libros de e-mail marketing na OMExpo de Madrid

Krasis participa na OMExpo

A empresa galega Krasis, con sede en Vigo e Londres, que este ano cumple 10 anos de actividade ofrecendo formación en novas tecnoloxías e Internet a empresas do sector, vén de anunciar que, con motivo da celebración hoxe e mañá da feira de marketing en liña OMExpo en IFEMA, vai regalar mil exemplares dos seus libros de email marketing aos visitantes. Theemailingexperience.com é un dos blogs de marketing en liña máis populares do país e agora vén de converterse en libro, cunha tirada de 1.000 exemplares, para ser entregado como agasallo para tódolos profesionais do sector que se acheguen á OMExpo. Porén Krasis non só regalará 1.000 exemplares deste libro, que conteñen 49 post extraídos específicamente de entre todo o publicado dende a súa posta en funcionamento en 2007, senón que asemade aproveitará a ocasión para presentar oficialmente a súa nova canle en Twitter @mailcast, que leva funcionando en probas dende comezos deste mes; o Correo electrónico marketing tweet a tweet onde dun modo novidoso Krasis ofrecerá consellos breves para facer campañas, introducirá recensións de artigos, publicacións do sector, novidades... e manifestarase un profundo interese por un concepto que preocupa moito ás grandes corporacións, a Reputación 2.0.