Krasis presenta en Madrid a súa liña editorial Krasis Press

Portadas dos 3 libros cos que se estrea Krasis Press

A empresa viguesa de tecnoloxías da información, Krasis, vén de presentar esta mesma mañá, nas instalacións de Microsoft Ibérica en Madrid, o seu novo proxecto editorial especializado en tecnoloxía Microsoft, Krasis Press.
Esta entidade, partner de Microsoft no desenvolvemento de produtos web e formación, dirixe a súa actividade a programadores e a persoas interesadas na tecnoloxía así como ós centros académicos ou de formación e universidades e os seus libros porán ó alcance dos consumidores toda a información necesaria sobre as últimas tecnoloxías.
Os autores de Krasis Press foron distinguidos co título de MVP (Most Valuable Professional) por Microsoft Corporation, galardón que esta última compañía concede cada ano ós profesionais máis destacados de cada país neste eido.
Coa distribución nacional e venta directa a través de krasis.com, a firma está en negociacións para a súa comercialización en Latinoamérica e Estados Unidos e xa conta con tres obras no mercado: Programación Web con Visual Studio y ASP.NET 2.0, C# 3.0 y LINQ e Modelando procesos de negocio con Workflow Foundation.