ICANN aproba o dominio .gal para a lingua e a cultura galegas
venres, 14 de xuño do 2013
- Manuel González presentará mañá os detalles da aprobación do dominio .gal
Este sábado ás 12:00 horas presentarase no claustro do
I.E.S. RosalÃa de Castro en Santiago de Compostela os detalles da
aprobación da candidatura do dominio de primeiro nivel para a lingua e a
cultura galegas presentada pola Asociación PuntoGal ante ICANN (tal e como xa figura na páxina web do organismo internacional),
encargándose o presidente da Asociación, Manuel González González, de comunicar
este logro histórico conseguido grazas ao apoio unánime da sociedade galega.
Estamos ante un grande momento para Galicia e a súa presenza na Internet, pois
tras máis de 7 anos de traballo conseguiuse que o organismo internacional que
xestiona os dominios de Internet, ICANN, atendese ás demandas da nosa
comunidade cultural e lingüÃstica para ter un sufixo que nos identifique na
Rede, o .gal, para o que presentáronse máis de 12.000 apoios cidadáns, contouse
coa adhesión de máis de 110 entidades representativas da nosa sociedade e
contouse co apoio da Administración autonómica con independencia da súa cor
polÃtica, deixando claro que estamos ante un obxectivo considerado moi positivo
de xeito unánime.
Para contribuÃr á finalización deste proceso, a Xunta fixo unha
importante achega económica para poder satisfacer os custos de matrÃcula e
o aval esixidos pola ICANN para poder presentar a candidatura galega pero
cómpre destacar que esta iniciativa non busca dependencia económica da
Administración, senón que ten como vocación ser auto-sustentable, de xeito que
os cartos ingresados da comercialización dos dominios .gal empregaranse para
manter este servizo e, os beneficios que poidan producirse destinarÃanse para
organizar actividades para fomentar o galego e as TIC, pois a entidade que
administrará o novo dominio de primeiro nivel carece de arela de lucro.
Procuraremos dar máis detalles do logro conseguido tras a súa presentación
oficial.