Google confirma o seu recoñecemento ao Monte Pindo e ao traballo da asociación do mesmo nome
venres, 21 de outubro do 2016
Google
vén de recoñecer oficialmente, dende esta semana, a existencia do
parque natural do Monte Pindo. E faino, segundo informa a
Asociación Monte Pindo Parque Natural, equiparándoo en importancia
con outros parques naturais “oficiais”
existentes na nosa terra. A dita plataforma galega (unha fronte común
a prol da conservación e recoñecemento do macizo granítico de
Carnota formada por activistas, investigadores, persoeiros da
política, da cultura e da docencia, veciñanza en xeral) tamén
informou que Google, “ante
a falta do recoñecemento e compromiso por parte das administracións
públicas”, colocou
á
asociación
coma xestora deste espazo. O
paso dado por Google é un novo chanzo
nunha colaboración coa asociación que xa
deu froitos no mes de abril e que agora confírmase oficialmente,
adiantando novos e interesantes froitos vindeiros.
Máis
polo miúdo, a
entidade carnotá xa
lanzou
o programa Trekker
Monte Pindo,
mediante o cal vanse
comezar
a mapear
rutas do Monte Pindo e do seu entorno xeográfico para incorporalas á
aplicación Google
Street View.
“Isto”, sinala
a asociación,
“permitirá que calquera persoa, desde calquera parte do mundo,
poderá percorrer as principais rutas do Monte Pindo, e algo
moitísimo máis importante para nós: que persoas que polas súas
limitacións físicas e psíquicas nunca puideron ascender os seus
cumios, agora poderán facelo de xeito virtual”.
Está
previsto que os traballos de mapeo
comecen a vindeira primavera. Os labores
faranse con voluntariado seguindo un calendario previamente acordado
coa compañía californiana. As persoas que desexen participar no
programa
como
voluntarias
poden inscribirse
xa na páxina trekker.montepindo.gal.