Google Wave achegará un novo xeito de comunicarse e colaborar na Rede

Pese a que este xoves parecía que ía a ser o día de Microsoft ao presentar o seu novo buscador Bing, Google soubo eclipsar á compañía de Redmond cunha impresionante innovación que podería revolucionar o xeito de comunicarnos a través da Internet. Estamos a falar de Google Wave, que sería un produto, unha plataforma e un protocolo que xuntaría moitos servizos web actuais nunha única aplicación informática que superaría as barreiras que separan o correo electrónico do chat ou as conversas dos documentos, achegando unha experiencia de usuario totalmente nova, en vez de buscar a translación de fenómenos fóra de liña á Internet (de xeito que non seguirían os pasos do correo electrónico como analoxía do correo ordinario).
Esta nova creación achegará o concepto de wave, que estaría composto en partes iguais de conversa e documento, permitindo que a xente comuníquese e traballe xunta en textos, fotografías, vídeos, mapas e outro elementos. Así, un usuario pode crear unha wave dentro da aplicación Google Wave e engadir a xente ao mesmo, abrindo a colaboración e a comunicación cunha chea de posibilidades.
As 3 capas que forman Google Wave serían a seguintes:
 un produto: una aplicación HTML 5 que permite o acceso e edición de waves e que integra un editor de texto e outras funcións sinxelas de utilizar mediante operacións de arrastrar e soltar
 unha plataforma: conta cunha serie de API que permiten aos desenvolvedores incluír waves noutros servizos web, así coma construír novas extensións que funcionen dentro das mesmas
 un protocolo: as especificacións de Google Wave están abertas, de xeito que buscarán a súa adopción coma un protocolo co que interoperen múltiples servizos, incluso de xeito alleo a Google, creando unha liberdade que agardan que anime aos programadores
Supomos que nos vindeiros meses serán moitos os servizos web que aposten por adaptarse a Google Wave de cara ao seu lanzamento público, que polo momento non ten data.
Na demostración que fixeron de Google Wave durante o evento Google I/O amosáronse moitas das características do produto, e son realmente impresionantes, no que podería ser toda unha revolución para o que hoxe vemos como a web social, de xeito que servizos coma Facebook ou Twitter deberían ter moi en conta esta plataforma de cara ao futuro.