Facebook cambia de imaxe e prepara un cliente de e-mail

Os usuarios de Facebook viron hoxe como a páxina de inicio da plataforma de redes sociais volvía a mudar no que consideran que é unha simplificación, pero que inicialmente pode incomodar aos usuarios, que non reciben moi ben que muden unha interface de usuario á que están afeitos.
Entre os cambios máis destacables en Facebook estaría a reformulación do seu menú superior, a incorporación de novos filtros na barra lateral e modificacións no chat. Cómpre advertir de que este novo deseño está en probas, polo que non todos os usuarios accederían a el, aínda que agárdase que en breve convértase no deseño ordinario desta plataforma.
Michael Arrington, de TechCrunch, pola súa banda decidiu dar a coñecer que esta cambio non será o único de Facebook nos vindeiros meses, senón que internamente estarían a desenvolver o Proxecto Titán, que sería unha evolución do sistema de mensaxería de Facebook para convertelo nun cliente completo de correo electrónico, que empregaría coma enderezos de e-mail os nomes de usuario (quen os teña definidos) seguidos de @facebook.com, o que podería resultar moi practico para usuarios habituais deste tipo de plataformas que non consolidasen un enderezo de correo electrónico no pasado.