Facebook activa en España as súas novas opcións de sexo
mércores, 23 de xullo do 2014
Facebook non quere seguir
quedando atrás con respecto a outras alternativas 2.0, polo que os
seus responsábeis espremen cada pouco os miolos na procura de cousas
que amañen eivas previas ou recursos que non teña ningunha outra
rede social. O máis recente neste senso é a posta en marcha dunha
opción que ten un aquel de tecnolóxico pero tamén un aquel
importante de inclusivo e normalizador das diferentes caracterÃsticas
persoais das usuarias ou usuarios. En concreto, Facebook
activou en España a opción de sexo personalizado, unha
funcionalidade que posibilita a calquera membro da rede amosar sen
atrancos a súa identidade sexual. Trátase pois dunha opción para
expresarmos libremente a nosa opción. Con isto, supéranse por fin
as lóxicas limitacións de establecer unicamente as categorÃas
tradicionais de home e muller.
En virtude desta
novidade, quen empregue Facebook poderá seleccionar a alternativa de
sexo personalizado. Esta opción está xa operativa dende comezos
de ano en Estados Unidos, a novidade é que agora chega a paÃses
como España. Grazas a ela, poderemos seleccionar o pronome co que
desexemos que se nos coñeza publicamente. Ou sexa, masculino (el),
feminino (ela) ou neutral (ello, iso
ou isto en galego).
Lembrar que estes cambios
teñen a súa raizame na cooperación dos responsábeis do servizo
2.0 con diferentes organizacións de Estados Unidos centradas no
recoñecemento dos dereitos dos colectivos homosexuais, transexuais
e bisexuais. A medida complementouse con traballos conxuntos
desenvolvidos en compaña da Fundación Triángulo e a Federación
Estatal de Lesbianas, Gais, Transexuais e Bisexuais (FELGTB).