En marcha a primeira fase do proxecto turístico Smart Destinations Pontevedra
luns, 28 de xullo do 2014
- Captura do portal turismoriasbaixas.com
Como
xa publicara Código Cero na súa edición en papel, número 118, no
mes de xuño de 2013 presentouse aos medios de comunicación o
proxecto Smart
Destinations,
proxecto que nacía coa finalidade de facer da provincia de
Pontevedra “o primeiro destino turístico intelixente do país”.
Smart
Destinations
presentábase como unha iniciativa para manter no tempo ao actual
turista e captar outros novos, grazas á prestación de máis e
mellores servizos por parte das empresas do sector turístico da
provincia.
O
proxecto
Smart Destinations foi
impulsado dende o servizo de Turismo Rías Baixas da Deputación de
Pontevedra xunto co servizo de Novas Tecnoloxías e en colaboración
coa Escola de Organización Industrial (organismo que depende do
Ministerio de Industria, Enerxía e Turismo), grazas á sinatura dun
convenio entre ámbalas entidades, englobado dentro do Plan Nacional
e Integral de Turismo do 2012-2015 da Secretaría de Estado de
Turismo, e que conta cun financiamento de case 3 millóns de euros.
Rafael
Louzán, presidente da Deputación de Pontevedra, deu o pistoletazo
de saída o pasado
27 de xuño, nun evento que contou con mais de 350 empresarios do
sector turístico, a primeira das fases do proxecto Smart
Destinations “A Orixe do Teu Destino”.
Fases
e funcionalidades do proxecto
Tendo
en conta a complexidade dun proxecto destas características
decidiuse acometer a súa posta en marcha nun total de 4 fases co
obxectivo de comezar a prestar servizos progresivamente a partires
deste verán. As 4 fases nas que se divide a implantación desta
plataforma pódense describilas do seguinte xeito:
-
Fase
1: Inicio do sistema de información turístico da provincia de
Pontevedra.
Esta fase inclúe a implantación do portal publico
turismoriasbaixas.com
xunto co portal dos profesionais do sector.
-
Fase
2: Turismo 2.0. Engade
a integración con distintos intermediarios (Booking, Destinia,
etc.) así como como a incorporación á plataforma dun xestor
documental e multimedia.
-
Fase
3: Turismo 3.0 e observatorio turístico.
Nesta fase incorporaranse funcionalidades ao portal público para a
xestión de plans de viaxe do turista así como ferramentas de
Business
Inteligence
para a explotación da información da plataforma.
-
Fase
4: Explotación e evolución do sistema
destinada á captación dun maior número de usuarios.
Na
data devandita púxose en marcha a primeira das fases do proxecto que
engloba as tarefas de consultaría, na que se contou coa opinión do
sector turístico, e o desenvolvemento dos módulos iniciais da
plataforma como son o novo portal público para o turista
(turismoriasbaixas.com) e o portal para o profesional do sector
turístico entre outros.
- Presentación do proxecto a cargo do presidente da Deputación Rafael Louzán
Para
a consultaría, dende o servizo de Turismo Rías Baixas contactouse
na fase inicial do proxecto con 1.815 empresas, visitando un total de
1.112 e a 38 asociacións de hostalaría e turismo realizando ante
estes axentes unha descrición das principais funcionalidades da
plataforma. Estas visitas tiveron como obxectivo acadar a adhesión
de empresas do sector de cara a xestionar a súa oferta turística a
través da plataforma. O 91% das empresas amosou a súa intención de
adherirse ao proxecto e, tal e como afirmou o presidente Rafael
Louzán o pasado 27 de xuño, "a día de hoxe, xa o fixo un 27%
das empresas visitadas".
Ademais
das actividades de consultaría, a primeira das fases conta coa posta
en marcha dun portal web turístico e un portal web profesional, unha
ferramenta de xestión de recursos turísticos para os técnicos do
servizo de Turismo Rías Baixas, unha ferramenta baseada nun CRM e
unha plataforma de interoperabilidade para a xestión das distintas
comunicacións entre os propios módulos da plataforma e a conexión
con terceiros.
Os
portais web, tanto o turístico como o profesional, desenvolvéronse
baixo a plataforma de portais utilizada na Deputación de Pontevedra;
isto é, utilizando a solución Liferay 6.2 totalmente orientada á
Web 2.0.
Portal
web turístico e profesional
O
portal
web turístico posto en marcha nesta primeira fase,
turismoriasbaixas.com, é
o punto de contacto do usuario coa oferta turística das Rías Baixas
no que poderá consultar toda a oferta de recursos turísticos
existentes. A arquitectura da información deste portal web está
estruturada segundo a tipoloxía da información. No apartado de
Experiencias
o turista pode atopar diferentes actividades e rutas posibles ao
largo da provincia; na sección Descobre
atópanse todos os recursos turísticos de Pontevedra debidamente
categorizados (actualmente contase cun total de 5.772 recursos a
disposición dos usuarios). No apartado Planifica, o
usuario pode preparar a súa viaxe, e por último, na sección Escápate o
usuario pode atopar promocións e ofertas que os propios axentes
turísticos da provincia e os profesionais do sector poñen a
disposición dos turistas. Dende calquera dos apartados do portal
inclúese un acceso rápido á realización de Reservas tentando
simplificar o proceso. É importante salientar que dende esta
plataforma non se xestiona directamente a reserva senón que se
facilitan atallos que permiten a formalización da mesma dende outras
plataformas. Dentro do portal web, o turista conta cunha zona privada
á que pode acceder a partir de formalizar o seu rexistro para
planificar a súa viaxe e deixar a súas queixas, suxestións e
informacións.
Desde
o mesmo dominio, turismoriasbaixas.com,
o sector empresarial turístico da provincia de Pontevedra conta co
acceso ao portal
web profesional
baseado nun pequeno PMS (Property
Management Systems).
Mediante este parte profesional as empresas poderán xestionar os
seus recursos turísticos e a dispoñibilidade temporal dos mesmos
para poder consultalos posteriormente dende o portal web.
Toda
esta plataforma web está a cumprir as pautas de accesibilidade para
o contido web WCAG 2.0. e ten como principal novidade un deseño Flat
Design
baseado en paneis dinámicos que amosan a información estruturada
acorde ás preferencias do turista e optimiza a usabilidade á
navegación táctil dos dispositivos móbiles, smartphones
e tablets.
É
de salientar que toda a información existente no portal
turismoriasbaixas.com, experiencias, rutas turísticas, recursos,
etc., está
integrada coas redes sociais
Google +, Pinterest, Facebook e Twitter para que os usuarios poidan
recomendar a información nos seus perfiles favorecendo de xeito
expoñencial a divulgación da mesma.
Ferramenta
de xestión de recursos
Para
a actualización permanente da información dos recursos turísticos
da provincia de Pontevedra dotouse á plataforma dunha ferramenta
de xestión de recursos.
Esta ferramenta está desenvolvida a medida, utilizando Java como
linguaxe de programación, Oracle como xestor de base de datos e
conta cun sistema de SSO (Single
Sign-On)
integrado co LDAP da propia Deputación de Pontevedra, a través do
chamado protocolo CAS (Central
Authentication Service).
CRM
2.0
Para
o rexistro de toda a actividade producida polos turistas e o sector
empresarial, a plataforma Smart Destinations intégrase cunha
ferramenta
CRM.
Esta ferramenta tamén permite xestionar as comunicacións para o
tratamento das queixas, suxestións e todo tipo de información
relevante. Ademais, a través deste CRM o servizo de turismo Rías
Baixas poderá xerar campañas de email
marketing
con información e ofertas personalizadas para os turistas dados de
alta na plataforma.
Como
solución de CRM da plataforma, optouse polo produto sugarCRM
Communty Edition xunto coa ferramenta Intellixente da empresa 2Mares,
que permite monitorizar as principais redes sociais utilizadas polos
profesionais, conseguindo desta maneira ir máis aló dun modelo de
CRM tradicional e ofrecer un CRM 2.0 fomentando as relacións
colaborativas cos usuarios nas distintas redes sociais.
Plataforma
de interoperabilidade
Por
último, nesta primeira fase, e co obxectivo de xestionar as
comunicacións entre os diferentes módulos, púxose en marcha a
plataforma de interoperabilidade
WSO2. Este produto non é unicamente un bus de integración (ESB),
senón que ofrece distintas funcionalidades como un motor de
mensaxeira, un motor de procesos de negocio, un motor de regras de
negocio, o control e seguimento da actividade realizada, etc.
Neste
intre, informa a Deputación, está moi avanzada a
segunda fase do proxecto,
que se define como Turismo 2.0 e que contempla a integración con
distintos intermediarios (Booking, Destinia, etc.) para a difusión
de información dos recursos turísticos da plataforma, xunto coa súa
dispoñibilidade, permitindo realizar reservas a través dos mesmos.
Esta integración realizarase a través da xa comentada plataforma de
interoperabilidade da Deputación de Pontevedra.
A
plataforma de integración tamén incluirá servizos internos para a
comunicación coa Axencia de Turismo de Galicia de cara a compartir a
información dos recursos turísticos da provincia de Pontevedra. Por
último, esta fase contempla a integración da plataforma Smart
Destinations coa ferramenta de xestión documental Filenet da
Deputación de Pontevedra, para o tratamento da inxente cantidade de
información coa que se traballa. No caso dos contidos multimedia
contarase cun xestor de contidos no que xa se está a traballar,
tebasCMS que permitirá, entre outras características, a
organización e a propia edición nun único repositorio de toda
información multimedia do proxecto.
Esta
fase completarase coa creación de
aplicacións móbiles
para as plataformas IOS e Android que contarán con guías turísticas
de cada unha das comarcas e recunchos da provincia. Estas aplicacións
contarán coas mesmas funcionalidades para os turistas e para os
profesionais que ofrece a plataforma de portais web. Ademais,
incluirase unha aplicación da marca blanca mTrip que ofrecerá
información dos recursos turísticos da plataforma xeolocalizados
dende calquera punto da provincia e a posibilidade de compartir esta
información nas redes sociais.
Na
terceira fase darase
un chimpo ó que se chama Turismo 3.0 coas melloras nas
funcionalidades actuais do portal entorno ao perfil do turista e a
realización dos seus plans de viaxe á medida das preferencias e
tamén das súas posibilidades. En canto á parte dedicada aos
profesionais, poranse en marcha ferramentas avanzadas de solicitude
de campañas por parte de distintos colectivos, así como un módulo
observatorio baseado en tecnoloxía Business Inteligence (BI) para a
explotación de toda a información da plataforma. Esta solución
está baseada en SAP Business Object e na ferramenta ETL Talend Open
Studio para a integración dos datos de distintas fontes de orixe.
Desta forma, as empresas turísticas e a Deputación de Pontevedra
poderán apoiarse nesta ferramenta para a toma das decisións a prol
da mellora do sector turístico e polo tanto da economía da
provincia.
A
cuarta
e última fase do proxecto,
e non por iso a menos importante, é a fase de captación de usuarios
e explotación da información do sistema. Esta é unha etapa
considerada clave na que se realizarán campañas de posicionamento
SEO e SEM para a captación de usuarios.
Como
sinalan Ruth González, xefa do servizo de Turismo Rías Baixas, e
Amancio Varela, xefe do servizo de Novas Tecnoloxías da Deputación
de Pontevedra, “coa posta en marcha do proxecto Smart Destinations
a provincia de Pontevedra conta cunha das plataformas turísticas
mais avanzadas a nivel nacional o que permitirá acadar o obxectivo
de emprazar a Pontevedra como o primeiro destino intelixente de
España”.