EGANET achega recursos sobre os novos modelos de propiedade intelectual da era das redes
xoves, 2 de decembro do 2010
- Víctor López, presidente de EGANET
EGANET
quere achegar máis información sobre a responsabilidade na creación e deseño de
programas informáticos, un eido legal no que aínda fican moitos baleiros de
datos por cubrir, e máis se temos en conta que a Sociedade da Información estase
a erguer perante os nosos ollos, coma quen di, facéndose cada día. Para ir
abrindo camiño nesta liña informativa, EGANET convoca aos profesionais dos
medios ao seu almorzo de traballo sobre Propiedade
Intelectual no Novo Ámbito Dixital, un encontro no que colabora a
multinacional Clarke, Modet & Cº e que contará coa presenza activa de José
Luis Sagarduy, director de Desenvolvemento de Negocio desta compañía.
Asemade, Sagarduy é integrante do equipo de árbitros
e mediadores do Centro de Arbitraxe e Mediación da Organización Mundial da
Propiedade Intelectual (OMPI). O almorzo, que se celebra este xoves 2 de
decembro no ITE Caixa Galicia de Santiago, a partir das 9 horas, xirará arredor
dos novos modelos de negocio e novos produtos que xorden ao abeiro das redes,
novas achegas coas que “mudan os
conceptos tradicionais de autoría e de propiedade intelectual”, informa
EGANET.
Ademais de Sagarduy, participarán na xornada o
presidente de EGANET, Víctor López, e máis o xerente de Clarke, Modet & Cº,
José Manuel Freire. Este é o programa da
xornada:
9:00 h Acreditacións
e café de benvida
9:30 h Apertura
da xornada
Víctor López
Presidente de Eganet
José Manuel Freire
Xerente Santiago de Compostela, Clarke, Modet
& Cº
9:45 h A
propiedade intelectual no ámbito dixital
José Luis Sagarduy
Director de Desenvolvemento de Negocio de
Clarke, Modet & Cº
10:45 h Coloquio