Durante o SIMO poderanse adquirir de balde dominios .es

Varios axentes rexistradores de dominios .es lanzarán co gallo da feira SIMO (que terá lugar entre os días 7 e 12 de novembro) unha promoción de dominios españois gratuítos durante un ano, nun intento por dinamizar o rexistro destes dominios.
Nominalia agarda regalar 30.000 enderezos co sufixo español (aínda que de continuar o seu uso haberá que facer fronte a un prezo de renovación que custará uns 25 euros), mentres que Arsys fará o propio para as persoas que se acheguen ó seu expositor no SIMO (regalando tamén un aloxamento web básico e correo electrónico baixo o mesmo enderezo.