Dinahosting estrea un acurtador de enderezos web
venres, 11 de febreiro do 2011
A
empresa compostelá especializada en dominios de Internet e servizos de hospedaxe
web Dinahosting comunicou a través de
Twitter e Facebook
que vén de estrear un servizo acurtador de enderezos de
páxinas web (URL) baixo o dominio ir.gl, de xeito que os usuarios que
desexen comunicar un longo enderezo web poden contar cunha versión acurtada
válida para comunicar por vÃa telefónica ou en redes sociais coma Twitter (nas
que as mensaxes teñen unha limitación de caracteres).
Por exemplo, se queremos recomendar o artigo da nosa páxina web sobre a nova
alianza entre Nokia e Microsoft publicado no enderezo http://codigocero.com/Os-smartphones-de-Nokia
teriamos o problema de que tal ligazón ocupa 45 carácteres, deixándonos só 95 carácteres
para escribir a descrición debida en Twitter, pero se empregamos o novo servizo
de Dinahosting podemos deixar a ligazón nun breve http://ir.gl/nokia,
co que gañariamos 27 carácteres (aÃnda que o normal é aforrar aÃnda máis letras,
pois os enderezos profundos en redes sociais e páxinas web de medios de
comunicación tenden a ser moi longos).
Ir.gl destaca fronte a moitos dos seus competidores no feito de que, aparte de
permitir acurtar un enderezo con só pegalo e dar a un botón, tamén conta con
opcións avanzadas nas que podes personalizar o enderezo curto, establecer unha
data de caducidade para o mesmo ou incluso pórlle un contrasinal.
O servizo tamén incorpora estatÃsticas
e tamén unha listaxe coas ligazóns
curtas máis populares.