Compostweets xuntará a máis de 200 entusiastas das redes sociais o vindeiro sábado
xoves, 23 de febreiro do 2012
O Centro de Novas TecnoloxÃas de
Galicia (Santiago de Compostela) acollerá este sábado a segunda edición de Compostweets, un
encontro anual que busca xuntar no mesmo auditorio a profesionais e entusiastas
do sector do Social Media na nosa comunidade autónoma, para compartir
experiencias, reflexionar sobre o estado actual do fenómeno das redes sociais e
coñecer distintas iniciativas galegas neste ámbito.
Este encontro rexistrará un cheo total, pois o pasado
martes xa comunicaron que completaran o aforo do salón de actos do Centro
de Novas TecnoloxÃas de Galicia (con capacidade para 225 persoas)j, e para
facilitar o seu seguimento tamén estrou nos últimos dÃas unha aplicación
móbil para dispositivos con iOS desenvolvida por Bits for Meetings (B4M),
iniciativa da que xa temos falado dende a súa presentación no
AppCircus que acompañou á primeira edición do MobileCON Galicia, e que
pretende converterse en todo un estándar para a organización de eventos. Dende a app de Compostweets
será posible establecer comunicación entre os distintos asistentes, consultar o
mapa coa localización do evento, recibir novas sobre o encontro e poder seguir
o que se comenta en Twitter sobre Compostweets, que segundo os precedentes, será
unha experiencia moi enriquecedora.
- O evento poderá seguirse no móbil grazas a unha aplicación para iOS
A xornada permitirá achegarse ao fenómeno das redes sociais da man do profesor José Luis Orihuela,
responsable do blog eCuaderno; a promoción a través da Rede coa xente de
Buydeal.es e Raquel Lemos Publiwoman; o sexo visto dende un
blog con Nela Bernal; o mundo da restauración na Internet con Restalo.es e
Elmarisconoescaro.com; e a publicidade na Rede con xente de BAP&Conde (o
que servirá para amosar os mellores vÃdeos e campañas en liñas de Galicia en
2011).
Xa pola tarde, Camilo Ameijeiras (Primate) e Luz Castro (Imaxin Software)
interactuarán durante media hora no escenario nunha intervención que bautizaron
como Dúo cómico; mentres que os
blogueiros David Serantes e Javier Pedreira Wicho achegaranse á
experiencia deste último que o levou ata a NASA; e a xornada rematará cun
espazo SpeakFree no que participarán
proxectos como Meubook.com, Exquisitec.es, Vigiliam.com, Mundoplanet.com e
Silosenovendo.com baixo a atenta mirada dos consultores Francesc Pumarola e
Javi Rocamora.