Compostela converterase na capital europea das TIC o vindeiro 3 de setembro
xoves, 26 de agosto do 2010
- Edita de Lorenzo, que será distinguida como Enxeñeira do Ano.
O Colexio Oficial e a
Asociación de Enxeñeiros de Telecomunicación de Galicia (COETG-AETG), están a
quencer motores para que nos primeiros dÃas do vindeiro mes de setembro (do 1 ao
4), a capital galega lle dea a acollida que merecen os 500 profesionais das
telecomunicacións que se achegarán a Compostela procedentes de toda Europa para
debatir a situación real do sector e as claves de futuro do mesmo.
Durante eses dÃas, o
Hostal dos Reis Católicos de Santiago de Compostela será a sede de celebración
da 49 edición do Congreso FITCE, o simposio europeo das TIC por antonomasia
como punto de encontro de profesionais das telecomunicacións, das novas
tecnoloxÃas da comunicación e da sociedade da información, que este ano,
coincidindo coa celebración do Xacobeo 2010 dedicará a súa temática central a O Camiño de Santiago e as Telecomunicacións
Europeas.
Por outra banda,
celebrarase a XV Noite Galega das
Telecomunicacións e da Sociedade da Información, cita anual ineludible para
o sector tecnolóxico galego e un dos eventos máis significativos para os
enxeñeiros TIC da nosa comunidade, que terá lugar o vindeiro dÃa 3 de setembro
no devandito hotel de luxo compostelá. Nela, un ano máis, daranse a coñecer as estratexias
públicas para o desenvolvemento do sector TIC, ao tempo que se lle entregarán os
premios anuais a profesionais e a empresas destacadas, os cales, terán a oportunidade de confraternizar, nunha cea de honra posterior.
Nesta edición, a directora
da Escola Técnica Superior de Enxeñeiros de Telecomunicación da Universidade de
Vigo, Edita de Lorenzo, recibirá o galardón de Enxeñeira do Ano, distinción concedida pola súa decisiva
contribución á formación académica e capacitación profesional dos futuros enxeñeiros
de telecomunicación de Galicia, desde o seu posto de directora da ETSET da
Universidade de Vigo.
Asemade, nesta nova
edición de FITCE, organizada pola Asociación de Enxeñeiros de Telecomunicación
de Galicia (AETG), co respaldo da Asociación Española de Ingenieros de Telecomunicación
(AEIT), debaterase sobre o estado e os proxectos de futuro das infraestruturas
de telecomunicacións na Unión Europea baixo o lema The Way of Santiago and the European Telecommunications, na honra á
sede que alberga o congreso e a celebración do Ano Xacobeo 2010.
O Palacio de Congresos e
Exposicións de Galicia será o escenario no que se desenvolverá o programa
cientÃfico do Simposio composto por once presentacións orais, catro sesións de posters
e dúas mesas redondas (integradas polos principais fabricantes e operadores
de telecomunicacións do noso paÃs). Os relatores analizarán o campo dos
servizos e aplicacións TIC, afondando na nova era tecnolóxica e nas aplicacións
avanzadas que permitirán acceder a infraestruturas intelixentes. Darán un paso
máis no camiño cara ás redes de vindeira xeración. E analizarán a aplicación da
fórmula I+D á configuración de Internet, á vez que abordarán os retos aos que
se enfrontarán os reguladores das telecomunicacións ao vivir inmersos na
Sociedade da Información.