Borders comercializará un eReader a só 149,99 dólares

Pese a que os tablets prometen ter moito éxito nos vindeiros meses, o mercado dos eReaders dedicados está lonxe de desaparecer, e a candea de librarías Borders decidiu tomar posicións comercializando a partir do 17 de xuño o seu Kobo eReader, un dispositivo con pantalla de 6 polgadas de E Ink que consegue ter un prezo de só 149,99 dólares (114,59 euros) ao non contar con conexión á Rede propia (sincronizándose os seus contidos a través dun móbil con Bluetooth ou dun PC por USB).
Pero Borders non limitará o negocio ao seu lector de e-books, senón que tamén venderá os textos a través de aplicacións para iPhone OS, Android, BlackBerry, PC e Mac, ou sexa, que dende a compañía libreira non queren casar cun trebello en concreto, abrindo a nova eBook Store en xuño.