As series da Galega estrean un espazo de seu na web
venres, 27 de febreiro do 2015
A ninguén se lle escapa que a Televisión de Galicia está a
conseguir grandes éxitos coas súas últimas series de ficción, e para salientar
estas producións deu a coñecer esta semana un novo
espazo web que aÃnda está en fase de probas, EnSerie.gal, que facilita a
visualización de 17 das series de maior repercusión da Galega como Mareas Vivas, Pratos Combinados ou Matalobos,
sen esquecer as actuais O Faro, Serramoura e Pazo de Familia, que tamén se benefician de que este novo espazo
está vivo, contribuÃndo á sona destas producións con distintos contidos
adicionais.
AsÃ, EnSerie.gal tamén inclúe novas sobre as series da TVG, está aberto á
participación do público (que pode rexistrarse no novo espazo) que pode votar
polas súas series favoritas, inclúe listaxes para reivindicar ás figuras do
noso audiovisual, achega reportaxes para afondar na series en curso... e
incluso conta cun blog titulado O
Figurante que un par de veces á semana contará as últimas novidades sobre
as series da Galega.
Durante
o mes de marzo EnSerie.gal estreará a súa versión definitiva, contando cun
programa especial na Televisión de Galicia no que farase un percorrido das
series da Galega durante os seus preto de 30 anos. Este espazo televisivo
contará coa presenza dos actores e actrices máis recoñecibles das ficcións
galegas e contará tamén con actuacións musicais relacionadas.