As plataformas de televisión de pagamento xa non terán as actuais canles privadas terrestres de balde

A nova Lei Xeral Audiovisual vai supor un importante cambio para as plataformas de televisión de pagamento (por satélite, cable ou ADSL) que actualmente están a incorporar á súa oferta unha serie de canles privadas que a parires de agora xa non serán forzosas, de xeito que as súas empresas propietarias poderán solicitar que a cesión do seu sinal non sexa de balde, o que levará a pechar acordos coas distintas canles de querer manterse en plataformas coma Digital+ ou R.
A cesión de balde dos sinais das canles privadas dispoñibles a través do sinal terrestre era unha medida que pretendía fomentar os novos sinais de transporte (principalmente cable e satélite), pero agora consideran que coa chegada da TDT a cesión gratuíta de canles non é necesaria, e as televisións privadas poderán solicitar contraprestacións económicas pola distribución da súa oferta audiovisual.