#Arrinca Compostela acollerá a presentación de cinco proxectos innovadores
martes, 6 de maio do 2014
- Un intre da edición de Arrinca en Narón, fotografado por Diego Silva
A
edición compostelá de #Arrinca,
da que falamos
onte dando conta da súa data de celebración (os días 9 e 10 de
maio) e dos seus obxectivos, servirá de acubillo á presentación
de cinco
proxectos, todos eles en maior ou menor medida moi relacionados
coas novas tecnoloxías da información (como ferramentas de
traballo, como acubillo da actividade e incluso como fin en si
mesmo). Como lembraremos, do que trata Arrinca é de achegar, durante
un día e medio, un escenario para o traballo en equipo que implicará
aos responsábeis directos dos ditos proxectos, a emprendedores en
xeral que queiran ampliar a súa formación e aprendizaxe de cara a
pór en marcha cadansúas iniciativas, e tamén a asesores e mentores
que axuden a uns e outros a enfiar un rumbo axeitado.
Os
proxectos que se presenta en Arrinca, no espazo Doutro Xeito
Coworking de Santiago, son os seguintes:
-O
Creatorio, lugar en Internet que reúne a todos os creadores
galegos para amosar a súa obra.
-Tuxa
Cabuxa, tenda en liña de confeccións “ao gusto”.
-Merillotes,
espazo para a acción e a transformación social a través de
linguaxes artísticas.
-Vou
Contigo, proxecto de servizo de asistencia persoal.
-
Acotea, comparador tecnolóxico de servizos relacionados coa
arquitectura.
Segundo
nos contan dende Doutro Xeito (organizadores do evento), ao longo
deste obadoiro emprendedor traballarase en equipo para pór en marcha
as devanditas iniciativas, contándose co apoio de persoas
especializadas en empresa, deseño de produto, redes sociais ou
asesores fiscais, e todo a través da metodoloxía de traballo
Canvas. Ao a final das xeiras de asesoramento e intercambio de puntos
de vista, haberá unha rolda de conclusión para verificar o
avanzado.