Anuncian novos personaxes para Marvel vs Capcom 3

Na primavera de 2011 teremos un dos xogos de loita máis agardados dos últimos anos, Marvel vs Capcom 3, e esta semana, co gallo da Comic-Con de San Diego, adiantaron 4 grandes personaxes que poderán controlarse neste título de Capcom: o inimigos dos 4 Fantásticos, Dr. Doom e o Super-Skrull, e os perxonaxes de videoxogo Chun-Li (de Street Fighter II) e Trish (de Devil May Cry).
Pero a cousa non remata aí, e a poucas horas do anuncio oficial de Capcom sabemos que o poderoso Thor (personaxe da mitoloxía nórdica do que está a gravarse película e do que SEGA tamén fará videoxogo) e Amaterasu (o lobo protagonista do videoxogo Ōkami​) tamén aparecerán en Marvel vs Capcom 3, pois apareceron en varias imaxes da páxina web de Marvel, o que é o máis semellante a unha confirmación que temos ata o momento, e que vén a confirmar unha listaxe de personaxes filtrada que sería coma segue: – Personaxes de Marvel: Spider-Man, Hulk, Lobezno, Reed Richards, o Capitán América, Iron Man, Máquina de Guerra, Elektra, Thor, X-23, Magneto, Dr. Doom, Shuma-Gorath, Emma Frost, Masacre, o Super Skrull, o Supervisor, Juggernaut e Hulka – Personaxes de Capcom: Ryu, Mike Haggar, Frank West, Chuck, Spencer (de Bionic Commando), Dante, Chris Redfield, Morrigan, Arthur, Amaterasu, Albert Wesker, Zero, Chun-Li, Viewtiful Joe, Trish, Tron Bonne, Hsien-Ko, Akuma e Felicia