Amosados no Centro Demostrador TIC os proxectos AutoTIC e ControlBox
martes, 31 de marzo do 2015
O Centro Demostrador TIC (Centro Novas
TecnoloxÃas de Galicia) acolleu a semana pasada de dous
proxectos empresariais galegos no que xuntan forzas catro firmas
punteiras do noso sector: Imatia
e Sixtema
por unha banda, e Infonet
e Hacce
pola outra. Segundo reflicte o Clúster TIC Galicia (organización da
que son integrantes as ditas empresas), trátase de dous proxectos
innovadores en todo o sentido do termo, entendéndose por innovación
aquilo que se fai coa arela de medrar e obter rendemento, si, pero
tamén co obxectivo de achegar un plus de mellora para as empresas,
cidadáns e institucións da súa contorna. Imatia e Sixtema
presentaron AutoTIC, e Infonet e Hacce amosaron ControlBox.
AutoTIC
ten como obxectivo a creación e desenvolvemento de tecnoloxÃa
axeitada que permita simplificar e axilizar o desenvolvemento de
aplicacións móbiles hÃbridas de maneira sinxela, produtiva,
adaptábel e flexÃbel. Segundo
reflicte o Clúster, o eido de aplicación demostrativo de ditas
tecnoloxÃas é o do coche conectado, polo que para facilitar a
transferencia de coñecemento creouse unha aplicación que involucra
coche conectado, balizas de proximidade e sistemas de información
xeográfica.
Pola
súa banda, ControlBox é un produto innovador no ámbito da
seguridade informática. Abrangue labores de configuración e
integración de hardware con ferramentas de software que permiten
observar e descubrir o que acontece nunha rede de equipos
informáticos mediante a interceptación das comunicacións e toda a
actividade realizada nos equipos. Controbox, nun plano máis
concreto, posibilita o achado de evidencias de fugas de información,
empregados desleais, hábitos de navegación incorrectos, ameazas de
seguridade internas, problemas de mobbing e ameazas, etc, amais de
facilitar o cumprimento de determinadas obrigas legais segundo os
regulamentos da LOPD.
Os
devanditos proxectos desenvolvéronse co apoio do Plan Estratéxico
do Clúster e co financiamento do Ministerio de Industria, a través
do programa de apoio a AEI e Fondos FEDER.