A primeira convocatoria de ReaccionaTIC quere dixitalizar 65 PEME galegas
luns, 23 de xaneiro do 2017
Este sábado deuse a coñecer no
Diario Oficial de Galicia (DOG) a
resolución da concesión das axudas aos servizos de asistencia,
diagnose e soporte na implantación de solucións de Empresa Dixital
e Industria 4.0 do Programa ReAccionaTIC, promovido pola AMTEGA e o
IGAPE. Estes servizos de pulo á empresa dixital serán
emprestados ás PEME (Pequenas e Medianas Empresas) beneficiarias a
prezos reducidos por axentes colaboradores, grazas ao cofinanciamento
da Xunta. Emporiso, nesta primeira convocatoria, os servizos máis
demandados polos solicitantes foron
os servizos de acompañamento para a implantación de solucións de
mercadotecnia
dixital de cara a optimizar
a presenza en Internet da
empresa;
logo, os servizos para a
elaboración da diagnose do grao de modernización tecnolóxica co
fin de identificar aquelas oportunidades de mellora con maior impacto
no incremento da competitividade da empresa.
Asemade,
o Reacciona TIC achega tamén un catalogo de solucións para impulsar
a Empresa 4.0 con servizos encamiñados a establecer novas fórmulas
de produción e a impulsar a fabricación de produtos diferenciados e
de calidade a través de novos modelos e procesos de deseño,
creación e distribución. Neste eido tamén se ofrece apoio para
achegar solucións organizativas e/ou tecnolóxicas, ou para a
xeración de modelos e realización de procesos.
E que
se pretende con estes servizos? Pois a Administración autonómica
quer mellorar o futuro das empresas galegas mediante a adquisición
de novas competencias e incorporación de tecnoloxÃas que lles
permitan gozar de vantaxes competitivas, co apoio de axentes
colaboradores especializados, integrados por empresas tecnolóxicas,
que as asesorarán e acompañarán en todo o proceso.
Informar que xa se están a avaliar as solicitudes recibidas na
segunda convocatoria do Programa ReAccionaTIC e a terceira, xa
activada, está aberta até o 28 de febreiro. A terceira convocatoria
será en marzo e prolongarase até finais de maio.
O
programa ReAccionaTIC conta cun orzamento total de máis de 2,3
millóns de euros, dos cales 1,26 millóns serán achegados pola
AMTEGA e 1,11 millóns polo IGAPE.