A aplicación de Google para Android permite ditar mensaxes de WhatsApp

venres, 12 de febreiro do 2016 Marcus Fernández

Para facilitar a comunicación textual a través do móbil, dende hai moito tempo Google facilita en Android o envío de SMS mediante ordes de voz, de xeito que dende a aplicación de Google podemos dicir “Ok Google, enviar mensaje de texto a Fulano que diga” para ditar despois unha mensaxe de texto completa e así poder mandala sen ter que empregar as mans (o que resulta moi cómodo, por exemplo, cando imos ao volante do coche) e agora dan conta dunha actualización desta funcionalidade, que xa non se limita ao envío de SMS, senón que tamén pasa a ser compatible con WhatsApp, Telegram e Hangouts, adaptándose moito mellor ao uso actual das comunicacións móbiles.
Deste xeito, agora podemos dicir “enviar un mensaje de WhatsApp a Fulano que diga” para ditar unha mensaxes que se remitirá por WhatsApp ao contacto indicado, o que agradecerán enormemente moitos usuarios desta aplicación en momentos nos que teñan as mans ocupadas ou cando queiran compor rapidamente unha mensaxe.

Demostración do funcionamento da nova prestación da aplicación de Google para Android

PUBLICIDADE